Tre shqiptarë, të akuzuar për përfshirje në një rrjet organizuar të trafikut të drogës në Gent të Belgjikës, kanë arratisur dhe kanë humbur garancitë pasurore që kishin lënë në gjykatë. Prokuroria e Belgjikës njoftoi se ata dyshohet se ishin pjesë e një grupi kriminal që merrej me shitjen e drogës. Seanca gjyqësore e paraqitjes së tyre u zhvillua të mërkurën, por asnjëri prej të akuzuarve nuk ishte i pranishëm.
Rasti u zbulua më 6 tetor 2024, kur policia ndaloi një automjet në zonën Gent-Zuid, në të cilin u gjetën sasi kanabisi dhe 3,100 euro para cash. Hetimet u thelluan pasi në telefonat e të dyshuarve u zbuluan mesazhe që lidheshin me aktivitetin e tregtisë së drogës. Ndërkohë, autoritetet belgë realizuan kontrolle në disa banesa, ku në një apartament u sekuenuan dokumente të kontabilitetit të drogës, para cash dhe substanca narkotike. Po ashtu, në Oosteeklostraat u gjetën 169 gramë kokainë dhe 4,000 euro, si dhe 119 gramë kokainë në një adresë tjetër.
Prokuroria ka kërkuar dënime të forta për tre të akuzuarit, që përfshijnë deri në 40 muaj burg dhe gjobë deri në 8,000 euro, së bashku me konfiskimin e pasurive. Avokatët mbrojtës kundërshtuan këto akuzat, duke argumentuar se nuk ka prova të mjaftueshme për një organizim të strukturuar kriminal dhe kërkuan dënime më të lehta.
Në mungesë të tyre në gjykatë, dyshohet se të pandehurit janë larguar për në Shqipëri, duke humbur kështu edhe garancitë financiare prej 10,000 dhe 8,000 eurosh që kishin vendosur për të qëndruar në liri. Kjo situatë vështirëson më tej rastin dhe e bën të paqartë të ardhmen e këtij hetimi.
