“Partia demokratike nuk ka luksin të humbasë asnjë figurë të saj!” Kështu deklaroi deputetja demokrate Jorida Tabaku gjatë një bashkëbisedimi me të rinjtë në Shkodër. Duke iu përgjigjur pyetjes së një të riu, nëse Ervin Salianji duhet të lejohet të kandidojë përballë kreut aktual Sali Berisha në zgjedhjet e brendshme në parti, Tabaku tha se Partia Demokratike në këtë pikë nuk ka luksin të humbasë asnjë figurë të saj, duke e ftuar ish-deputetin Salianji të marrë pjesë në diskutimet e brendshme të selisë blu.
Sipas Tabakut partitë nuk duhet të trajtohen si monopol, por vota duhet të jetë elementi që vendos për ecurinë e tyre. Ky është një qëndrim krejtësish i kundērt me atë të Sali Berishës i cili jo vetëm që e ka bërë fakt të kryer “vetëpërjashtimin” e Salianjit, por edhe e akuzon se punon për Edi Ramën dhe mbështetet nga organizata kriminale.
Duke folur për zgjedhjet e fundit parlamentare, ku ishte pjesë e kandidaturave të listës së hapur, Jorida Tabaku rrëfeu se e ka menduar edhe tërheqjen nga kjo garë, duke e cilësuar të papërshtatshëm këtë mënyrë votimi.
“E kam ndjekur në media diskutimin e zotit Salianji dhe kërkesa ime për të është që betejën ta bëjë në PD, bolla k vuajtur PD këto vite për betejë të bërë në studiot televizive.
Nuk ka rëndësi ku jam unë apo Salianji nesër, por ku do të jetë PD dhe demokratët. Për mua ky debat duhet të bëhet brenda PD, kur bëhet jashtë është shqetësuese. Nuk e shoh te PS psh të ndodhë jashtë. Kemi boll forume për të folur. Gabimi që bëra në 3 vite të shkuara nuk do ta bëj sot, nuk kam për të dhënë mendime që kam për t’i dhënë në forumet e partisë. Nuk di të ketë një vendim të Kryesisë për t’i mbyllur dyert. Lë t’i lëmë kohë institucioneve dhe debatit të brendshëm që të marrë vendimin e duhur. Për mua PD nuk ka luksin të humbë askënd, ne duhet të shtohemi e zgjerohemi, t’ia shtrijmë dorën kujtdo. Në një parti politike vendos vota”, tha ajo.
