Sot, kandidatët për drejtor të përgjithshëm të Policisë së Shtetit kalojnë fazën e intervistimit nga komisioni i posaçëm të ngritur pranë Ministrisë së Brendshme. Burime për Top Channel, nëpërmjet gazetares Dorjana Bezat, kanë bërë të ditur se vetëm dy nga kandidatët e listës, Jona Gurbardhi dhe Suela Sulkaj, nuk e kanë kaluar këtë fazë.
Të dyja kandidatët, që ishin juriste dhe jo pjesë e Policisë së Shtetit, u skualifikuan pas verifikimit të dosjeve të dorëzuara. Nga ky verifikim, u konstatua se ato nuk plotësonin kriteret ligjore për t’u kandiduar.
Garën e vijon pjesa tjetër e kandidatëve, të cilët do të intervistohen nga një komision i përbërë nga sekretari i përgjithshëm i Ministrisë së Brendshme, një nga zëvendësministrat e Brendshëm dhe drejtori i përgjithshëm i Agjencisë për Mbështetje të Policisë.
