Fundjava ka sjellë një atmosfere festive në Gjirokastër, ku turistët vendas dhe të huaj kanë “pushtuar” qytetin e gurtë. Rrugicat e ngushta janë mbushur me vizitorë që po eksplorojnë historinë dhe bukuritë e këtij destinacioni të veçantë.
Kala e Gjirokastrës, simboli i qytetit, mbetet një nga pikat më të frekuentuara, me mbi 9000 vizitorë që kanë ardhur që nga muaji janar. Ky interes i lartë nënvizon rëndësinë e këtij monumenti historik, i cili vazhdon të tërheqë turistë nga e gjithë bota.
Në Pazarin e Vjetër, gjithashtu, vërehet një fluks i madh vizitorësh, kryesisht nga Tirana dhe shqiptarët e Kosovës, të cilët e quajnë Gjirokastrën “magjike”. Prania e turistëve të huaj është e dukshme, me vizitorë nga Greqia dhe Franca që bien në sy me entuziazmin e tyre për kulturën dhe mikpritjen lokale.
Një turist nga Franca shprehu impresionet e tij, duke vlerësuar bukurinë e qendrës historike, ndërsa një tjetër turiste theksoi se ishte hera e saj e parë dhe shijonte kalasë dhe mikpritjen e vendasve.
Gjirokastra po afirmohet gjithnjë e më shumë si një destinacion turistik i preferuar, ku historia dhe tradita përqafohen në mënyrë harmonike. Atmosfera e ngrohtë dhe promovimi i kulturës lokale vazhdojnë të rrisin numrin e vizitorëve dhe të ndikojnë pozitivisht në zhvillimin e turizmit.
