Ernest Muçi, sulmuesi i Kombëtares shqiptare, po përgatitet për ndeshjen e playoffit kundër Polonisë nën drejtimin e trajnerit Sylvinho. Ndërkohë, në Turqi është zbuluar një informacion interesant lidhur me të. Sipas gazetarit turk Hasan Tuncel, i cili punon pranë klubit Trabzonsporit, klubi ka marrë një ofertë prej 12 milionë eurosh për Mučin gjatë merkatës së janarit. Megjithatë, emri i klubit që ka bërë këtë ofertë nuk është bërë i ditur, dhe Trabzonspori ka vendosur ta refuzojë kategorikisht.
Në sezonin aktual, Muçi ka pasur paraqitje mbresëlënëse në kampionatin turk, duke shënuar 13 gola dhe duke kontribuar me 8 asistenca për skuadrën e tij. Këto statistika e vendosin atë në qendër të vëmendjes, duke e bërë atë një nga futbollistët më premtues në kampionatin turk.
