Transferta e Londrës ishte e hidhur për Burnley dhe Armando Brojën, pasi skuadra u mund me rezultatin 3-1 nga Fulham. Sulmuesi shqiptar nuk u aktivizua gjatë ndeshjes. Pjesa e parë u mbyll pa gola, ndërsa emocionet filluan në pjesën e dytë.
Burnley e zhbllokoi rezultatin në minutën e 60 me një gol nga Zian Flemming. Megjithatë, Fulham reagoi menjëherë; Josh King barazoi në minutën e 67, ndërsa Harry Wilson përmbysi gjithçka vetëm gjashtë minuta më vonë, duke e çuar rezultatin në 2-1 për londinezët.
Në minutat e fundit, Fulham fitoi një, 11 metërsh që Raul Jimenez e shndërroi në gol. Situata u komplikuar për Burnley, pasi Josh Laurent u ndëshkua me karton të kuq, duke lënë skuadrën me 10 lojtarë. Ndeshja përfundoi me rezultatin 3-1, duke e çuar Fulham në kuotën e 44 pikëve në vendin e 8, ndërsa Burnley mbetet në pozita të rrezikshme, me vetëm 20 pikë në vendin e parafundit, duke shikuar me shqetësim situatën e saj në luftën për mbijetesë në Premier League.
