Një ngjarje tragjike ndodhi në Arezzo, Itali, kur shqiptari, Gjergj Pergegaj, 30 vjeç, u ekzekutua me armë zjarri mbrëmjen e së premtes. Incidenti ndodhi pak para mesnatës, në afërsi të një bari dhe restoranti në zonën Bivio di Olmo.
Sipas raportimeve të mediave italiane, konflikti, gjithashtu mes dy shqiptarëve, ka filluar brenda lokalit. Autori i dyshuar, i cilësuar gjithashtu shqiptar, është arrestuar nga policia pak kohë pas ngjarjes. Hetuesit po hetojnë për motivin e vrasjes dhe dyshojnë se ky incident lidhet me çështje romance, duke e cilësuar si rezultat të një grindjeje pasionante.
Kjo ngjarje vjen si një tjetër episod i dhunës që ka përfshirë emigrantët shqiptarë në Itali, duke nxjerrë në pah sfidat e komunitetit në këtë vend. Policia vijon hetimet për të zbardhur detajet e kësaj ngjarjeje, e cila ka shokuar lokalitetin.
