Një ngjarje e rëndë ndodhi në lagjen “Barrikadë” në Berat, ku një shtetas u plagos me thikë pas një konflikti për motive të dobëta. Me reagimin e shpejtë të Policisë, autori i dyshuar u kap dhe u arrestua. Pas njoftimit për plagosjen, shërbimet e Komisariatit të Policisë Berat organizuan një operacion të menjëhershëm për të mbërritur në vendngjarje.
Hetimet e kryera çuan në identifikimin dhe kapjen e autorit, i identifikuar si A. T., 39 vjeç, banues në Berat. Ngjarja ndodhi mbrëmjen e djeshme, kur gjatë një mosmarrëveshjeje, ai plagosi me thikë shtetasin D. N., 48 vjeç, i cili tani ndodhet jashtë rrezikut për jetën.
Pas arrestimit, materialet procedurale janë referuar Prokurorisë pranë Gjykatës së Shkallës së Parë të Juridiksionit të Përgjithshëm Berat për veprime të mëtejshme.
