Kryeministri grek Kyriakos Mitsotakis, gjatë konferencës për energjinë të Bloomberg në Athinë, deklaroi se Greqia nuk do të marrë pjesë në operacione ushtarake në Gjirin Persik dhe Lindjen e Mesme. Ai e bëri këtë të qartë pasi u pyet rreth gatishmërisë europiane për angazhimin në këtë rajon. “Përgjigjja e thjeshtë është: jo,” tha Mitsotakis, duke theksuar se mbështesin vetëm operacionet evropiane për mbrojtjen e lundrimit në Detin e Kuq, e nuk do të angazhohen pa një mandat të qartë nga Bashkimi Evropian.
Ai paralajmëroi për pasoja globale nëse situata në Ngushticën e Hormuzit, një rrugë kyçe për transportin e naftës, përkeqësohet. Mitsotakis theksoi rëndësinë e lirisë së lundrimit dhe se rreth 168 anije me interesat greke ndodhen aktualisht në rajon, përfshirë 34 që fluturojnë flamurin grek. Ai gjithashtu shprehu shqetësimin për sigurinë e marinarëve grekë që shërbejnë atje.
Pas fillimit të luftës, janë regjistruar sulme ndaj disa anijesh tregtare në zonë, duke përfshirë ato greke, gjë që rrit ndjeshëm rrezikun për një nga korridoret më strategjike energjetike dhe tregtare në botë. Mitsotakis theksoi se pozita e Greqisë është e qartë dhe se do të forcojnë mbrojtjen e saj, duke shmangur përfshirjen në konflikte të mëtejshme.
Shqetësimi për sigurinë e transportit detar grek është një nga prioritetet e qeverisë, e cila monitoron situatën çdo ditë për të siguruar mbrojtjen e interesave kombëtare dhe lundrimin në ato ujra. Mitsotakis theksoi rëndësinë e stabilitetit dhe shmangien e përshkallëzimit të krizeve, duke u angazhuar ndaj mbrojtjes së lundrimit në një kontekst globale të rrezikshëm.
