Luciano Spalletti dhe Juventus kanë arritur një marrëveshje për një rinovim njëvjeçar me opsion deri në vitin 2028. Kjo formulë ishte kërkesë e vetë trajnerit, i cili synon të ketë rezultate të menjëhershme pa u angazhuar për një periudhë të gjatë me klubin.
Sipas ‘Tuttosport’, vendimi për një kontratë të shkurtër rrjedh nga dëshira e Spallettit për të mos shkaktuar një barrë financiare, ndërsa do të ketë rol kyç në zgjedhjet e merkatos për sezonin e ardhshëm. Synimi kryesor është fitimi i titullit të Serie A.
Bisedimet u përshpejtuan me mbështetje nga lojtarët e skuadrës. Fillimisht, grupi kishte dyshime dhe preferenca për trajnerin Palladino, por Spalletti arriti të fitojë besimin e tyre falë atmosferës pozitive dhe inovacioneve taktike që solli. Ai ka pasur një ndikim të theksuar në rinovimet e lojtarëve si Locatelli, McKennie dhe Vlahovic.
Spalletti ndjehet i kënaqur në Torino dhe ka shprehur se nuk ka ndërmend të përgjigjet për telefonatat nga klube të tjera. Ai planifikon që në një të ardhme të afërt të ndikojë në skuadrën e Juventusit dhe ta transformojë atë në një forcë konkurruese për tituj, gati për të rivalizuar me klubet e mëdha të Serie A.
