Në ditën e 16 të konfliktit me Iranin, presidenti amerikan Donald Trump shprehu besimin se fundi i luftës mund të jetë i afërt, por theksoi se kushtet për një marrëveshje ende nuk janë të favorshme. Ai deklaroi se Teherani ka shprehur gatishmëri për të përfunduar konfliktin, por Uashingtoni nuk është i gatshëm të jep dritën jeshile për një marrëveshje. “Ata duan ta përfundojnë, por kushtet nuk janë ende mjaftueshëm të mira,” tha Trump.
Presidenti gjithashtu ngriti pikëpyetje mbi gjendjen e udhëheqësit suprem të Iranit, Mojtaba Khamenei, duke thënë se kishte dëgjuar se ai mund të mos ishte më gjallë. “Nëse është gjallë, duhet të bëjë diçka shumë inteligjente për vendin e tij: të dorëzohet,” u shpreh Trump.
Reagimi nga diplomacia iraniane ishte i menjëhershëm. Ministri i Jashtëm i Iranit, Abbas Araghchi, shpërfaqi se udhëheqësi suprem është në gjendje të mirë dhe vazhdon të drejtojë vendin. “Ai është mirë dhe në qeveri. Situata në vend është e qëndrueshme,” theksoi Araghchi.
Ndërkohë, tensionet në rajon vazhdojnë të rriten. Gjatë natës, forcat izraelite kryen dy bastisje ajrore në Liban, që rezultuan në të paktën 14 viktima, përfshirë katër fëmijë. Këto sulme shkaktuan një reagim të ashpër nga Garda Revolucionare Islamike e Iranit, e njohur si “Pasdaran,” e cila paralajmëroi hakmarrje dhe lëshoi kërcënime të drejtpërdrejta ndaj kryeministrit izraelit Benjamin Netanyahu, duke thënë se ai “do të ndiqet dhe do të vritet.”
Këto ngjarje të fundit reflektojnë një atmosferë të kujdesshme dhe tensioni rreth situatës në Lindjen e Mesme, ku përpjekjet për bisedime dhe stabilizim tregojnë se ndodhemi ende në një pikë të ndjeshme.
