Policia e Lezhës ka njoftuar se një automjet i parkuar, tip “Volkswagen Golf”, në pronësi të punonjësit të policisë G. Gj., është targetuar me eksploziv rreth orës 05:55. Nga shpërthimi, fatmirësisht nuk ka pasur viktima, përveç dëmeve materiale.
Sipas njoftimit të uniformave blu, menjëherë pas incidentit, shërbimet e Policisë kanë mbërritur në vendndodhje dhe kanë nisur kontrollet për identifikimin dhe kapjen e autorëve të këtij akti. Grupi hetimor, nën drejtimin e Prokurorisë, është angazhuar për sqarimin e rrethanave dhe dokumentimin ligjor të ngjarjes.
Për momentin, hetimet janë në zhvillim e sipër, dhe Policia ka intensifikuar operacionet në zonë për të siguruar identifikimin e personave të dyshuar. Ngjarja ngre shqetësime mbi sigurinë dhe stabilitetin në rajon, por autoritetet po punojnë intensivisht për të zbardhur situatën.
