Forcat Mbrojtëse të Izraelit (IDF) kanë njoftuar se Irani ka lëshuar një valë të re raketash drejt territorit izraelit. Ushtria izraelite reagoi duke aktivizuar sistemet e mbrojtjes ajrore për të kapur kërcënimet, ndërsa qytetarët janë këshilluar të hyjnë në strehimore.
Sulmet ndodhen pas disa goditjesh të shpejta nga Irani, të cilat kishin filluar më herët gjatë ditës. Alarmet janë dëgjuar në Jerusalem, dhe në qytetin jugor Eilat janë raportuar disa të lënduar. Forcat e kërkim-shpëtimit janë angazhuar në disa zona të Izraelit qendror pas raportimeve të rënies së predhave. Megjithatë, deri në momentin e raportimit, nuk ka pasur informacione për viktima.
Një zëdhënës i Shërbimeve të Zjarrfikësve dhe Shpëtimit konfirmoi se ekipet po vazhdonin kontrollet në të gjitha zonat e raportuara dhe se deri tani nuk ka persona të bllokuar. Situata mbetet e tensionuar, dhe forcat izraelite po vazhdojnë të monitorojnë eventet në terren për çdo zhvillim të mëtejshëm.
