Qeveria greke ka shpallur masa emergjente për të adresuar rritjen e çmimeve dhe fitimet e pajustifikuara, duke e lidhur këtë situatë me tensionet ndërkombëtare dhe krizën në Lindjen e Mesme. Një nga masat kryesore është vendosja e një tavani mbi marzhin e fitimit për karburantet, ushqimet dhe mallrat kryesore të konsumit.
Për sektorin e karburanteve, është vendosur që marzhi i fitimit në tregtinë me shumicë të mos kalojë 5 cent për litër, ndërsa për pikat e shitjes me pakicë është vendosur një kufi prej 12 cent për litër. Këto masa do të qëndrojnë në fuqi për një periudhë prej tre muajsh. Qeveria shpreson që këto ndihma të ndihmojnë në kontrollin e inflacionit dhe të sigurojnë stabilitetin e çmimeve për konsumatorët grekë.
