Kriza në Lindjen e Mesme po intensifikon pasigurinë globale, me vendime të papritura nga udhëheqës të tillë si Presidenti amerikan Donald Trump dhe lideri suprem i Iranit, Mojtaba Khamenei, që formësojnë dinamikën e konflikti. Sipas një analize të CNN, operacioni ushtarak amerikan synon të kufizojë kapacitetet ushtarake të Iranit jashtë kufijve të tij, duke shënjestruar sisteme raketash, objekte për prodhimin e dronëve, dhe pjesë të programit bërthamor.
Tensionet në Gjirin Persik dhe Ngushticën e Hormuzit gjithashtu ndikojnë në tregjet ndërkombëtare të energjisë, duke rritur koston për SHBA-në. Analisti Brett McGurk identifikoi tre skenarë kryesorë për zhvillimin e krizës. Skenari i parë, me probabilitet 60%, bazohet në idenë e “Iranit të kufizuar”, ku SHBA dhe aleatët mund të frenojnë fuqinë ushtarake iraniane pa rrënuar regjimin në Teheran përmes monitorimit të hapësirës ajrore dhe ruajtjes së sanksioneve ndërkombëtare.
Skenari i dytë, me mundësi 30%, e paraqet Iranin më agresiv, ku një fund i parakohshëm i operacionit mund t’i lejojë Iranit të rivendosë kapacitetet e tij ushtarake dhe bërthamore, duke rritur pasigurinë në rajon dhe ndikimin ekonomik global. Skenari më optimist, me probabilitet 10%, evokon një “Iran të ri”, duke supozuar që presioni ushtarak dhe ekonomik do të çonte në dobësimin e regjimit dhe mobilizimin e qytetarëve për ndryshime, megjithatë, shanset për këtë janë të ulëta pa një opozitë të fortë.
Analiza vëren se këto skenarë mund të kombinohen dhe evoluojnë me kalimin e kohës, ndonëse udhëheqja e re iraniane mund të vazhdojë sulmet me raketa dhe dronë. Një përfundim i mundshëm mund të jetë një Iran më i dobësuar, me pasiguri të konsiderueshme për stabilitetin e rajonit në vitet në vijim.
