Takimi i zhvilluar me Kryetaren në detyrë të Bashkisë Tiranë, znj. Anuela Ristani, kishte si fokus kryesor çështjet e zhvillimit të kryeqytetit. Ky eveniment përmbylli ciklin e takimeve me bashkitë e Qarkut Tiranë dhe diskutoi mbi forcimin e bashkëpunimit institucional, përmirësimin e shërbimeve për qytetarët dhe adresimin e sfidave të ndryshme që lidhen me administrimin e qytetit.
Një pikë e rëndësishme e diskutimit ishte koordinimi ndërmjet Bashkisë Tiranë dhe Institucionit të Prefektit, për të siguruar zbatimin efektiv të politikave në shërbim të interesit publik. Po ashtu, u theksua rëndësia e marrëdhënieve institucionale mes administratës së bashkisë dhe Këshillit Bashkiak, si dhe nevoja për verifikimin e ligjshmërisë së akteve të miratuara.
Temat e tjera të diskutimit përfshinë respektimin dhe lirimin e hapësirave publike, ndjekjen e emergjencave civile dhe ofrimin e zgjidhjeve të shpejta. Një prioritete ishte edhe monitorimi i shkollave në lidhje me luftën kundër kultivimit të kanabisit, iniciativë e ndërmarrë nga Prefekti i Qarkut Tiranë.
Në përfundim të takimit, u evidentuan dy prioritetet kryesore: gjetja e një zgjidhjeje efektive dhe ligjore për pastrimin e qytetit, si dhe rregullimi dhe standardizimi i varrezave. Pjesëmarrësit shprehën gatishmërinë për të vazhduar bashkëpunimin institucional, me qëllim përmirësimin e shërbimeve ndaj qytetarëve, duke theksuar angazhimin për zhvillimin e një kryeqyteti më të mirë për të gjithë.
Takimi u mbyll me një ftesë për intensifikimin e veprimeve në këto fusha dhe për të garantuar një qasje më të organizuar në menaxhimin e çështjeve të rëndësishme për qytetin.
