Sekretari i Mbrojtjes i Shteteve të Bashkuara, Pete Hegseth, njoftoi se sot do të zhvillohen sulmet më intensive ndaj Iranit që nga nisja e ndërhyrjes ushtarake. Hegseth sqaroi se objektivat e operacionit përfshijnë shkatërrimin e rezervave të raketave, lançuesve dhe bazës industriale të mbrojtjes iraniane, si dhe të marinës së këtij vendi. Një tjetër qëllim i rëndësishëm është pengimi i zhvillimit të armëve bërthamore nga ana e Iranit.
“Ne e shkatërrojmë armikun brenda afatit tonë dhe sipas zgjedhjes tonë”, theksoi Hegseth, duke shtuar se do të përdoren më shumë avionë luftarakë dhe bombardues, me sulme që do të koordinohen përmes inteligjencës më të avancuar se kurrë. Ai njoftoi gjithashtu se gjatë 24 orëve të fundit, Irani ka kryer numrin më të ulët të sulmeve me raketa që nga fillimi i konfliktit, një dëshmi e presionit që po ushtrohet mbi forcat iraniane.
Ky zhvillim tregon një intensifikim të strategjisë ushtarake amerikane në rajon, me fokus të qartë në reduktimin e kapaciteteve ushtarake të Iranit.
