Humbja e Interit në derbin ndaj Milanit, ka nxjerrë në pah disa aspekte të rëndësishme, mes të cilave është mungesa e katër futbollistëve kyç. Dumfries, Calhanoglu, Lautaro Martinez dhe Thuram, të gjithë në pozita delikate, i kanë munguar skuadrës në një moment kritik. Trajneri Chivu ndjen se kur këta lojtarë të jenë në dispozicion, Interi do të ketë mundësi më të mira.
Dumfries, që rikthehet pas një dëmtimi tre muajsh, tregoi potencialin e tij në minutat e para në derbi, megjithatë nuk pritet të startojë si titullar ndaj Atalantës. Ai ka filluar të stërviset sërish me ekipin, por do të duhet kohë për t’u rikthyer në formën optimale. Po ashtu, Bastoni ka pësuar një goditje në tibia gjatë një përplasjeje, dhe shpresohet të jetë në fushë për ndeshjen me Atalantën.
Problemi i Calhanoglu-t në aduktor, ndonëse i lehtë, e la atë jashtë derbit. Ai pritet të rikthehet për ndeshjen kundër Fiorentinës. Klubi po tregon kujdes ndaj tij, ndonëse ka presion për të qenë në formë për playoff-et e Botërorit me Turqinë.
Thuram ka nje situatë më të favorshme pasi është i sigurt për ndeshjen me Atalantën, pas një periudhe etheje që e mbajti jashtë derbit. Lautaro, megjithatë, do të duhet të presë një javë më shumë për t’u rikthyer në fushë. Ai është kapiteni i skuadrës dhe pritet të bëjë gjithçka për t’u kthyer sa më shpejt, por në këtë moment, nuk ka sigurira për rikthimin e tij në ndeshjen e ardhshme, pasi gjithçka varet nga rezultatet e stërvitjeve gjatë javës.
Interi tani është përballur me sfidën e rikthimit të këtyre lojtarëve thelbësorë, pas një humbjeje që ka rritur shqetësimet për performancën e ekipit. Me rikthimin e tyre, presin që skuadra të gjejë stabilitetin dhe frymën fituese që e karakterizoi në vitet e kaluara.
