Një përballje emocionuese u zhvillua në Rrogozhinë në kuadër të javës së 27-të të Superiores, ku Egnatia mposhti Teutën me rezultatin 4-2. Ndeshja filloi me intensitet të lartë, ndërsa Teuta shpalli e para në skenë duke shënuar golin e parë nga Zogos në minutën e 25-të. Rrogozhinasit reaguan dhe arritën të barazojnë përmes Albanese në minutën e 40. Në fundin e pjesës së parë, Adjessa përmbysi rezultatin duke e dërguar Egnatian në avantazh.
Pjesa e dytë filloi me Teutën që riktheu barazimin me Macollin, i cili realizoi nga pika e bardhë në minutën e 54. Situata për durrsakët u përkeqësua pas minutës së 79, kur Kotobelli mori kartonin e kuq, duke lënë skuadrën e tij me 10 lojtarë. Shfrytëzuar këtë avantazh numerik, Egnatia kaloi sërish përpara me golin e Buric në minutën e 80.
Në fund, Fernando i dha goditjen përfundimtare Teutës me golin e tij në minutën e 90+3, duke vulosur fitoren e rrogozhinasve. Kjo fitore e çon Egnatian në 49 pikë, duke qenë dy pikë pas liderëve të Vllaznisë. Ndërkohë, Teuta mbetet e gjashta në renditje me 34 pikë.
REZULTATI:
EGNATIA 4-2 TEUTA
Gola: Albanese 40’, Adjessa 45+3’, Buric 80’, Fernando 90+3′ / Zogos 25’, Macolli (P) 54’
