Javier Tebas, presidenti i LaLiga, ka mohuar deklaratat e ish-trajnerit të Barcelonës, Xavi Hernández, mbi përpjekjet për rikthimin e Lionel Messi në klubin katalanas në vitin 2023. Në një intervistë për emisionin Estudio Estadio në Televisión Española, ai theksoi se Liga nuk kishte autorizuar asnjë marrëveshje për transferimin e Messit dhe se nuk kishte dhënë miratime financiare për këtë proces. “Nuk është e vërtetë. LaLiga nuk autorizoi asgjë,” theksoi Tebas.
Reagimi i tij vjen pas pohimeve të Xavi në një intervistë me gazetën La Vanguardia, ku ish-trajneri shprehu se rikthimi i Messit ishte shumë afër realizimit gjatë kohës së tij në drejtim. Sipas Xavi, pas përfundimit të Botërorit të Katarit, ai kishte biseduar personalisht me Messin dhe kishin diskutuar për rikthimin e mundshëm në “Camp Nou.” Ai përmendi se ata kishin biseduar për disa muaj dhe se lojtari ishte i gatshëm të rikthehej, me negociatat që vazhduan deri në mars të vitit 2023.
Xavi gjithashtu pretendoi se klubi kishte marrë një “dritë jeshile” nga LaLiga, ndërsa negocionte kontratën me Jorge Messi, babai dhe agjenti i futbollistit. Megjithatë, Tebas e kundërshtoi këtë version, duke shpjeguar se organizata që ai drejton nuk kishte dhënë kurrë miratim për një transferim të tillë. Ai theksoi se informacioni i Xavi ishte i pasaktë dhe se nuk kishte pasur asnjë mbështetje nga LaLiga në lidhje me rikthimin e Messit.
Për më tepër, Xavi përmendi se marveshja u ndal nga presidenti i klubit, Joan Laporta, sapo negociatat ishin në zhvillim. Kjo situatë tregon tensionet existente mes autoriteteve të LaLiga dhe drejtuesve të Barcelonës rreth temave të transferimeve dhe planifikimit financiar, duke theksuar sfidat me të cilat përballen klubet në periudhën e pas pandemisë.
