Universiteti “Aleksandër Moisiu” nderoi sot dy nipërit e aktorit të njohur evropian, Aleksandër Moisiu, duke u dhënë atyre titullin “Doctor Honoris Causa”. Të nderuar janë Nicolas Berggruen, mendimtar dhe filantrop, si dhe Oliver Beggruen, historian arti.
Ceremonia e mbahej në prani të kryeministrit Edi Rama, i cili theksoi rëndësinë e Moisiut si artist që arriti famë ndërkombëtare, por nuk e harroi kurrë Shqipërinë. Ai ndau një kujtim nga fëmijëria, kur e ftonte babai i tij për të vizituar studion, dhe aty u përball me imazhin e Aleksandër Moisiut, përmes një skulpture prej balte që babai i tij kishte përfunduar.
Rama e përshkroi Moisiun si një njeri që arriti të tejkalojë origjinën e tij, duke u bërë një ikonë e teatrit evropian, ndërsa mbeti gjithmonë i lidhur me vendlindjen e tij. Ai e cilësoi ngjarjen e sotme si një përshëndetje për pasardhësit e Moisiut, të cilët, sipas tij, vazhdojnë trashëgiminë e tij, duke e mbajtur lidhjen e tyre me vendin.
Në përfundim, ceremonia e mbajtur në Universitetin “Aleksandër Moisiu” nënvizoi kombinimin e nderit për dy individë që mbajnë emrin e një legjende shqiptare dhe vazhdojnë një rrugëtim të ngjashëm, duke e çuar përpara pasurinë kulturore që ai la pas.
