Juventus ka regjistruar një fitore të thellë 4-0 ndaj Pisas në ndeshjen e 28-të të Serie A, duke e dominuar kryesisht pjesën e dytë. Pjesa e parë ishte e qetë dhe pa gola, me momentin më të rëndësishëm që erdhi në minutën e 39-të, kur Marius Marin u ndëshkua me karton të verdhë për një ndërhyrje të ashpër.
Në fillimin e pjesës së dytë, të dy trajnerët bënë disa ndryshime në formacion, por Juventus arriti të zhbllokonte rezultatin në minutën e 54-të. Andrea Cambiaso shënoi me kokë nga afërsia pas një aksioni të bukur, duke kaluar ekipin torinez në epërsi 1-0. Pothuajse 10 minuta më vonë, Manuel Locatelli kishte mundësinë për të dyfishuar rezultatin me një goditje nga brenda zonës, por topi përfundoi në shtyllë.
Megjithatë, Juventus shpërtheu sërish në minutat pasuese. Khephren Thuram reagon më shpejt dhe shënon golin e dytë, duke e dërguar topin në rrjetë për 2-0. Skuadra torineze vijoi të sulmonte dhe në minutën e 75-të, Francisco Conceicao asistoi për Kenan Yıldız, i cili shënoi golin e tretë me një goditje të saktë brenda zonës.
Goditjen përfundimtare e dha Jeremie Boga, i cili në minutën e 93-të realizoi golin e katërt për Juventusin, duke e mbyllur ndeshjen me rezultatin përfundimtar 4-0. Kjo fitore e çon Juventusin në 50 pikë, duke e pozicionuar ekipin në vendin e gjashtë të klasifikimit.
