Michael Carrick përjeton humbjen e tij të parë si trajner i parë i Manchester United në ndeshjen ndaj Newcastle. Ekipi i “Djajve të Kuq” u mposht me rezultatin 2-1, ndonëse Newcastle luajti me 10 lojtarë për 45 minuta pas ndëshkimit me karton të kuq të Jacob Ramsey në minutat shtesë të pjesës së parë. Në këtë periudhë, Newcastle gjithashtu fitoi një 11 metërsh, i cili u ekzekutua me sukses nga Anthony Gordon, duke i dhënë avantazhin skuadrës së tij.
Reagimi i Manchester United ishte i shpejtë, me Casemiron që barazoi rezultatin në 1-1 vetëm tri minuta më vonë, duke i dërguar skuadrat në pushim me këtë shifër. Në pjesën e dytë, loja dukej se do të përfundonte pa fitues. Megjithatë, në minutën e 90, Newcastle arriti të shënojë golin e dytë me Osula, duke e siguruar fitoren 2-1. Kjo fitorja e çoi Newcastle në kuotën e 39 pikëve, ndihmuar kështu që të qëndronin në vendin e 12 të tabelës, ndërsa Manchester United ruajti vendin e tretë me 51 pikë, të barabarta me Aston Villan.
Kjo ndeshje shënon një moment të vështirë për Carrick, duke e lënë ekipin e tij në kërkim të stabilizimit pas një fillimi të dobët në këtë fazë të sezonit.
