Dinamo dhe Egnatia kanë kompletuar katërskuadrat e gjysmëfinaleve të Kupës së Shqipërisë, duke iu bashkuar Vllaznisë dhe Elbasanit. Dinamo, nën drejtimin e Ilir Dajës, arriti të eliminojë Tiranën në çerekfinale, duke fituar me rezultatin e njëjtë 2-0 si në ndeshjen e parë, e cila u zhvillua në Air Albania Stadium.
Ndeshja u zhbllokua në minutën e 30 nga Neziri, një gol që i garantoi Dinamos një avantazh të rëndësishëm. Pjesa e dytë filloi me një goditje të fortë nga Dinamo, që shënoi golin e dytë me Guindo, duke siguruar kështu kalimin në gjysmëfinale me rezultatin përfundimtar 2-0.
Ndërkohë, ndeshja tjetër mes Egnatias dhe Teutës në Rrogozhinë përfundoi pa fitues, me një barazim 0-0. Megjithatë, Egnatia, nën drejtimin e Edlir Tetovës, arriti të sigurojë kualifikimin në gjysmëfinale falë fitores 2-1 në ndeshjen e parë në Durrës.
Tani, skuadrat e kualifikuara janë Vllaznia, Elbasani, Dinamo dhe Egnatia, të cilat do të presin shortin për përcaktimin e fatit të tyre në këtë fazë, që do të hidhet në ditët në vazhdim.
