Ashtu siç pritej, derbi i italianëve mes Roberto Mancinit dhe Simone Inzaghit nuk do të zhvillohet. Ndeshja mes Al Sadd dhe Al Hilal për AFC Champions League është shtyrë për një datë të pacaktuar, fillimisht e programuar për këtë të martë si pjesë e fazës 1/8 të këtij kompeticioni.
Vendimi për të shtyrë ndeshjet erdhi pas sulmeve të SHBA dhe Izraelit mbi Iran, si dhe përgjigjes së Iranit në rajonet e Lindjes së Mesme. Federata e Futbollit të Katarit mori këtë hap pas zhvillimeve të fundit në zonën e Dohas, vendos që ndeshjet e klubeve Al Duhail, Al Sadd dhe Al Ahli të shtyhen për një periudhë të mëvonshme, pa një datë të caktuar ende për zhvillimin e tyre.
Njëjtë u bë edhe për ndeshjen mes Al Duhail dhe Al Ahli, po ashtu pjesë e fazës 1/8 të AFC Champions League, e parashikuar për mbrëmjen e së hënës, si dhe çerekfinalen e Kupës së dytë kontinentale mes Al Ahli dhe Al Hussein Irbid.
Konfederata Aziatike e Futbollit, në një komunikatë, theksoi angazhimin për sigurinë e pjesëmarrësve dhe tifozëve. Sfidat në zonën lindore të Katarit do të zhvillohen sipas programit, ndryshe nga ato që janë shtyrë në perëndim. AFC po monitoron me kujdes situatën dhe do të publikojë kalendarin e ri në faqen e saj zyrtare kur të jetë e nevojshme.
Mancini shfaqi shqetësim lidhur me situatën e luftës në Lindjen e Mesme, duke shprehur frikën për raketat e interceptuara në zonën e Dohës, ku luan skuadra e tij, Al Sadd. Ky vendim për shtyrjen e ndeshjeve u mirëkuptua edhe nga Simone Inzaghi dhe ekipi i Al Hilal, pas fitores së fundit me Al Shabab, që e afroi më shumë Al Hilal me kreun e klasifikimit, të mbajtur nga Al Nassr.
