Camp Nou ka provuar më në fund të jetë e pamposhtur për Barcelonën, e cila ka shkatërruar çdo rival që ka hasur. Ndeshja më e fundit u zhvillua ndaj Villarealit, ku skuadra e drejtuar nga Hansi Flick triumfoi me rezultatin 4-1, me Lamine Yamal si protagonist kryesor.
Ndeshja nisi e njëllojtë deri në minutën e 28, kur Yamal hapi hesapet me një gol, duke e çuar Barcelonën në kryesim 1-0. Është interesante se vetëm 7 minuta më pas, 18-vjeçari shënoi sërish, duke e rritur diferencën në 2-0, rezultat ky që mbeti i pandryshuar deri në fund të pjesës së parë.
Pjesa e dytë nisi me Villarealin që riktheu shpresat, duke shënuar përmes Gueye, i cili vendosi rezultatin në 2-1. Megjithatë, Barcelona reagoi shpejt: në minutën e 69, Yamal u shfaq sërish duke shënuar golin e tretë personal dhe të tretin për skuadrën, duke e çuar rezultatin në 3-1.
Në minutat e fundit të ndeshjes, Robert Lewandowski ndihmoi për të mbyllur kalvarin e golave, duke shënuar një gol që fillimisht u anulua nga gjyqtari, por më pas u konfirmua me ndihmën e VAR-it. Ky gol siguroi fitoren finale prej 4-1 për Barcelonën, duke rritur avantazhin në 4 pikë përballë Realit të Madridit, i cili do të luajë të hënën ndaj Getafes.
Kjo ndeshje e fortë në Camp Nou tregon forcat e Barcelonës dhe e bën atë një rival të vërtetë në garën për titullin, duke ndihmuar në mbajtjen e një pozite të fortë në tabelën e klasifikimit.
