Një grua 70-vjeçare nga fshati Darëzezë në Fier ka kërkuar ndihmë në emisionin Fiks Fare, pasi është duke u përballur me një barrë të rëndë familjare. Ajo kujdeset për dy vëllezërit dhe motrën e saj, të gjithë me probleme të shëndetit mendor. Vëllai më i madh është 72 vjeç, ndërsa motra 56 vjeçare vuajta nga depresioni, që është përkeqësuar me kalimin e kohës. Dy vëllezërit e saj kanë lindur me probleme mendore.
Gratë thuhet se përjetojnë frikë të vazhdueshme dhe vështirësi në menaxhimin e situatës, veçanërisht kur mungon mjekimi. Ajo tregon se shpesh ndjehet e rrezikuar, sidomos kur pacientët bëhen agresivë për shkak të vonesave në marrjen e ilaçeve. Viktima të agresionit shpesh kanë qenë vetë ata, duke e detyruar gruan të mbajë sende të forta të fshehura. Çdo herë që largohet, ajo i mbyll ata në shtëpi, pasi ata tentojnë të largohen.
Të tre anëtarët e familjes janë vlerësuar nga Komisioni Mjekësor i Caktimit të Aftësisë për Punë me diagnozën “prapambetje mendore e moderuar”, ndërsa secili nga ata përfiton 10 mijë lekë të reja në muaj, pa rekomandim për ndihmës personal. Megjithatë, sjelljet e tyre përballë kamerës, duke u treguar të shpërqendruar dhe të paaftë për t’iu përgjigjur pyetjeve të thjeshta, kanë ngritur dyshime mbi saktësinë e këtij vlerësimi.
Gazetarët kontaktuan mjekun e familjes, i cili nuk ishte i pranishëm, dhe çështja u kallëzua në KMCAP Epror. Ky i fundit sqaroi se vendimet bazoheshin në dokumentacionin e mjekëve, të cilët nuk kishin raportuar përkeqësim të gjendjes. Familja po ashtu nuk kishte ankimuar vendimin brenda afatit të caktuar.
Më pas, gazetarët u rikthyen në Spitalin Rajonal të Fier, ku psikiatri theksoi se vendimi për ndihmës personal merret nga KMCAP Epror. Në përgjigjen zyrtare për emisionin, drejtoria e spitalit shprehu gatishmëri për një rivlerësim të rastit, duke garantuar transportin dhe mbështetje për pacientët, duke përfshirë angazhimin e një mjeku tjetër për një opinion të dytë.
