Vedat Muriqi, sulmuesi kosovar i Mallorca-s, ka zhvilluar një sezon të jashtëzakonshëm në La Liga, duke shënuar 16 gola. Megjithatë, skuadra e tij ndodhet aktualisht në vendin e 18-të, pozita që e dërgon në kategori të dytë, Segunda División, nëse situata nuk ndryshon deri në përfundim të sezonit.
Nëse Mallorca bie nga elita, mundësitë që Muriqi të qëndrojë në skuadër janë pothuajse inekzistente. Klubi spanjoll do të përpiqet ta mbajë, por interesi nga Turqia është i fortë, sidomos nga Fenerbahçe, i cili po monitoron situatën e tij. Një rënie e mundshme e Mallorca-s do të lehtësonte rikthimin e tij në Stamboll, duke hequr pengesat financiare dhe sportive për një transferim. Pavarësisht nga mbijetesën e mundshme e skuadrës, Fenerbahçe do të tentojë të bindë 30-vjeçarin për rikthimin, duke u mbështetur në lidhjen e tij të fortë me klubin dhe tifozët.
Muriqi ka një histori të kujtimeve të arta te Fenerbahçe, ku në sezonin 2019-2020 ka shënuar 15 gola dhe ka realizuar 5 asistime në 32 ndeshje, duke u bërë një nga sulmuesit më të spikatur në SuperLig. Tashmë, gjithçka varet nga përfundimi i sezonit në Spanjë. Nëse Mallorca dështon të qëndrojë në La Liga, rikthimi i Muriqit në Turqi mund të ndodhë më shpejt se sa pritej.
