Gjatë një sfide në shtëpinë e Big Brother, Rogerti ndau emocionet e tij për marrëdhënien problematike me vëllanë e tij, Xhulionin. Ai theksoi se nuk kishin komunikuar për katër vjet dhe shprehu dëshirën për një takim gjatë qëndrimit të tij në program. Krisja e marrëdhënies mes të dyve ka qënë e lidhur me çështje financiare dhe pronash.
Rogerti përshkroi momentin delikat që e detyroi të rishikonte marrëdhënien e tij me vëllanë: sëmundja e babait të tyre. Një operacion për një tumor në veshkë e bëri atë të reflektonte mbi mungesën e Xhulionit. Ai përmendi se që nga viti 2021 nuk kishte pasur asnjë kontakt dhe se emocionet e humbjes së një lidhjeje familjare i ishin shfaqur fort, veçanërisht pas sëmundjes së babait.
Rogerti njoftoi se ata u takuan për herë të parë pas katër vjetësh gjatë një mbledhjeje familjare. Gjatë këtij takimi, ai ndjeu nevojën për të thelluar marrëdhënien dhe për të shprehur ndjenjat e tij. “I dhashë dorën, por nuk i fola shumë,” shtoi ai, duke shprehur emocionet e tij në lidhje me mbesën, të cilën nuk e kishte parë që në lindje.
Ishte e qartë se Rogerti ka ndjenja të forta për familjen e tij, veçanërisht për vëllanë, pavarësisht ndarjeve të tyre të kaluara. Ai shprehu dëshirën për ta sqaruar marrëdhënien duke i bërë thirrje produksionit të Big Brother për të lejuar një takim mes tij dhe Xhulionit. “Nuk dua të vijë vetëm, por dhe me mbesën,” tha ai.
Rogerti përfundoi me një mesazh të fortë për rëndësinë e familjes, duke thënë se ajo ka qënë mbështetje kryesore në jetën e tij. Ai u shpreh se pa familjen, nuk do të kishte qënë këtu sot. Këto emocione, të shoqëruara nga lotët, ilustruan një njeri të brishtë e të ndjeshëm që kërkon të ribashkohet me një pjesë të rëndësishme të jetës së tij.
