Një student nga Indian Institute of Technology Hyderabad ka përdorur një metodë drastike për të siguruar që emaili i tij të mos injorohej. Ai i dërgoi CV-në kreut të një kompanie amerikane dhe shkroi një subjekt alarmant: “Emri juaj është në dosjet e Epstein.” Ky titull kishte si qëllim të tërheqë vëmendjen e marrëësit, Harshdeep Rapal, bashkëthemelues i një kompanie në Wilmington.
Subjekti i emailit referohej në dokumentet e Departamentit Amerikan të Drejtësisë që përmendnin emra të lidhur me Jeffrey Epstein, megjithatë emri i Rapal nuk figuronte atje. I shqetësuar nga titulli, sipërmarrësi e hapi menjëherë emailin dhe zbuloi se mesazhi ishte një “shaka”, ku studenti pranon se dëshironte vetëm të tërhiqte vëmendjen e tij për të kërkuar një intervistë pune.
Ngjarja është raportuar nga media indiane si The Times of India dhe India Today. Rapal reagoi publikisht në platformën X, duke e cilësuar këtë qasje si “të papërshtatshme” dhe “joprofesionale.” Ai ndau një fotografi të emailit (pa të dhëna sensitive) dhe theksoi rëndësinë e përgjegjësisë dhe profesionalizmit në komunikimin e punës.
“Ju lutem, njerëz, mos e bëni këtë. Ne e marrim seriozisht punën tonë; kërkojmë përgjegjësi dhe profesionalizëm,” shkroi ai. Ai shtoi se një mesazh i tillë në emailin e parë do të bënte që ai të mos përgjigjej, një qëndrim që pretendohet të jetë i zakonshëm për shumicën e drejtuesve të biznesit. Rapal theksoi gjithashtu se ekziston një dallim të qartë mes projekteve akademike dhe rregullave të komunikimit profesional në sektorin e biznesit.
“E kuptoj që dëshpërimi mund t’i shtyjë individët drejt metodave alternative, por kjo mënyrë sigurisht që nuk do t’ju ndihmojë,” përfundoi sipërmarrësi, duke nxjerrë në pah nevojën për një qasje më të sjellshme dhe profesionale në kërkimet për punë.
