Zbulime të reja tregojnë se Mbreti Charles III ishte paralajmëruar që në vitin 2019 për keqpërdorimin e emrit të familjes mbretërore nga Princi Andrew, vëllai i tij. Informatori i kishte dërguar një mesazh Princit të atëhershëm të Uellsit përmes firmës ligjore Farrer & Co, duke ngritur shqetësime për lidhjet financiare “sekrete” të Duka i Jorkut me financierin David Rowland. Emaili pohonte se Andrew kishte prioritet marrëdhënien me Rowland mbi atë me familjen e tij.
Në një mesazh tjetër, i dërguar drejtpërdrejt Rowland-it dhe i ndarë me sekretarin privat të Charles, Clive Alderton, pretendoheshin prova për “keqpërdorim të emrit të Familjes Mbretërore”. Akuzat më serioze lidhen me pretendimin se Rowland kishte ofruar përfitime financiare për Andrew, përfshirë ndihmën në marrjen e një licence bankare në Luksemburg dhe pagesën e borxheve për ish-bashkëshorten e tij, Sarah Ferguson.
Dokumentet gjithashtu sugjerojnë se gjatë viteve 2001–2011, kur Andrew shërbente si dërguar tregtar, ai e mbante Rowland në informata për mundësi biznesi dhe mund të kishte ndihmuar në një marrëveshje nafte në Kinë, e cila përfshinte Jeffrey Epstein. Djali i Rowland, Jonathan, gjithashtu thuhet se mori pjesë në takime zyrtare dhe misione tregtare.
Çështja ka marrë një kthesë dramatike kur Andrew u arrestua për “keqpërdorim të detyrës publike”, një akuzë që mund të çojë në burgim të përjetshëm. Ai është liruar nën hetim dhe policia është duke kontaktuar oficerët që kanë shërbyer në rojen e tij.
Skandali ka sjellë gjithashtu reagime politike në Britani, me deputetë që kërkojnë një hetim të plotë dhe madhe ndryshime ligjore për ta hequr Andrew nga linja e trashëgimisë mbretërore. Avokatja amerikane Gloria Allred u bëri thirrje familjes mbretërore të bashkëpunojë me autoritetet. Pallati Buckingham ka refuzuar të komentojë mbi hetimin e vazhdueshëm, por zbulimet shtojnë presionin mbi monarkinë britanike dhe ngrijnë pyetje mbi seriozitetin e paralajmërimeve të vitit 2019.
