Në përputhje me njoftimin e fundit, do të bllokohet plotësisht qarkullimi në aksin rrugor “Librazhd-Pogradec” deri në një njoftim të ardhshëm. Ky vendim ndalon qarkullimin e të gjitha mjeteve, duke përfshirë mjetet e tonazhit të rëndë, autobusët dhe automjetet e vogla.
Pikat kufitare do të udhëzojnë drejtuesit e mjeteve për të mos vazhduar lëvizjen në këtë rrugë. Mjetet e vogla do të kenë në dispozicion një rrugë alternative nga Maliqi në Lozhan, Moglicë dhe Gramsh, që të çon në Tiranë dhe anasjelltas.
Lejohet kalimi vetëm për ambulancat, shërbimet zjarrfikëse dhe mjetet e policisë, të cilat janë të pranishme në terren për monitorimin e situatës dhe orientimin e drejtuesve. Autoritetet bëjnë thirrje për mirëkuptim dhe për të respektuar udhëzimet nga strukturat e policisë.
Për çdo rast emergjent, qytetarët ftohen të kontaktojnë në numrin pa pagesë 112. Faleminderit për bashkëpunimin.
