Policia e Shtetit ka zbuluar një rrjet të gjerë prostitucioni në Shqipëri, duke arrestuar 118 vajza dhe gra, shumica e të cilave me kombësi të huaj. Të arrestuarat përfshijnë shtetasi nga Brazili, Kina dhe Tajlanda, që maskonin aktivitetin ilegal si turizëm, duke shpërndarë informacione mbi destinacione turistike për të justifikuar qëndrimin e tyre në vend.
Gjatë vitit 2023, policia zbuloi nëntë raste të aktivizimit të prostitucionit në qytete të ndryshme të Shqipërisë. Shtetaset e huaja, të ardhura për turizëm, janë përfshirë në këto rrjete dhe aktiviteti ilegal në përgjithësi është organizuar nëpërmjet platformave online. Të dhënat tregojnë se faqe të ndryshme si dhe rrjetet sociale, përfshirë Telegram, kanë shërbyer për reklamimin e shërbimeve dhe rekrutimin e vajzave.
Shpesh, këto gra dhe vajza janë të joshura nga premtime për pagesa të larta, por shumë prej tyre bien viktima të trafikut të qenieve njerëzore. Një operacion i rëndësishëm, i kryer në tetor nga Policia e Tiranës në bashkëpunim me agjenci ndërkombëtare si EUROPOL dhe Policinë Kroate, zbuloi një rrjet të organizuar të prostitucionit që përfshinte 48 gra nga vendet e Amerikës Latine dhe Azisë Qendrore. Ato ishin të trafikuara dhe shfrytëzuar për prostitucion në Shqipëri, duke vërtetuar lidhjen e fortë të fenomenit me rrjetet ndërkombëtare të krimit.
Ky operacion është një pjesë integrale e përpjekjeve të Policisë së Shtetit për të luftuar krimin e organizuar dhe aktivitetet ilegale që shfrytëzojnë shtetasit e huaj. Objektivi kryesor mbetet mbrojtja e këtyre individëve dhe parandalimi i trafikimit të tyre për qëllime prostitucioni në Shqipëri.
