Dega e Doganës në Durrës ka bllokuar disa mallra të një subjekti tregtar, i cili ka autorizim për përdorimin e Regjimit të Përpunimit Aktiv, pasi ato kishin kaluar afatin e përdorimit. Gjatë kontrollit fizik, janë sekuestruar 2.500 kg miell orizi me datë skadence 01.04.2025 dhe 5.150 kg miell për pica me datë skadence 07.04.2025.
Pas identifikimit të këtyre produkteve, Dogana e Durrësit ka filluar procedurat përkatëse në bashkëpunim me Autoritetin Kombëtar të Ushqimit, të cilat synojnë në asgjësimin e mallrave që janë jashtë përdorimit. Kjo veprimtari vjen si një masë për të siguruar se produktet ushqimore që qarkullojnë në treg janë të sigurta për konsumatorët dhe për të mbajtur standardet e nevojshme higjieno-sanitare.
Ky kontrolle është një pjesë e përpjekjeve të vazhdueshme të institucioneve për të garantuar një treg të rregullt dhe të sigurt për konsumatorët, duke parandaluar kështu rrezikun që përbëjnë produktet që kanë kaluar afatin e skadencës.
