Në emisionin “Fan Club” këtë të diel, nëna e Stenaldos ndau një tregim të thellë dhe emocional për jetën e saj dhe marrëdhënien me djalin e saj. Ajo përshkroi se si Stenaldo ka qenë burim i forcës dhe ringritjes për të, duke e ndihmuar në përballimin e vështirësive që ka hasur gjatë jetës.
Ajo e shprehu emocionin e saj duke thënë: “Ndihem shumë e emocionuar. Më shumë po e përjetoj unë jashtë sesa Stenaldo.” Nena theksoi se e ka përjetuar me ankth çdo moment të Stenaldos në Big Brother, sidomos ditën e fundit para hyrjes së tij. Megjithatë, ajo vuri në dukje forcën e tij dhe përkushtimin për punë, duke e inkurajuar që të jetë i barabartë dhe të shikojë gjithmonë me mendje.
Hyrja e tij në Big Brother ishte një moment i vështirë për të, pasi ajo kishte frikë se si do e përballonte. “Ishte aq e vështirë kur hyri në fillim,” tha ajo, duke theksuar pasigurinë që kishte ndjerë. Ajo ka pasur një lidhje shumë të ngushtë me Stenaldon, duke e përshkruar si një bashkëjetesë të ngushtë, ku flisnin shpesh, madje edhe kur ai ishte në Gjermani.
Përveç marrëdhënies me djalin, nëna e Stenaldos dha dhe një koment për pjesëmarrësen Juela, duke thënë se në fillim e kishte pëlqyer, duke e konsideruar atë si një vajzë të mirë e të rregullt, por nuk ishte e sigurt se pse gjërat ndryshuan më vonë.
Rrëfimi i saj shoqëroi një atmosferë nostalgjie dhe emocioni, duke e bërë këtë episod të veçantë për të pranishmit në studio. Ajo ka shprehur krenarinë për Stenaldon dhe përmes historisë së saj, u shfaq si një nënë e fortë, e cila ka kaluar shumë për të mbështetur djalin e saj në çdo hap të tijin.
