Gjatë vizitës në Mynih, Ministrja për Europën dhe Punët e Jashtme, Elisa Spiropali, u takua me drejtuesit e Katedrës së Albanologjisë në Universitetin Ludwig-Maximilian, duke theksuar rëndësinë e lidhjeve mes Shqipërisë dhe Europës përmes dijes dhe diplomacisë. Ajo u prit nga Zv. Presidentja e Humaniteteve, Prof. dr. Carola Metzner-Nebelsick, dhe Prof. dr. Enkeleida Kapia, drejtuesja e katedrës, si dhe nga anëtarë të dekanatit, profesorë dhe studentë.
Spiropali vuri në pah historinë gati 60-vjeçare të katedrës, e cila është themeluar nga Prof. Dr. Martin Camaj me mbështetje të vazhdueshme nga shteti bavarez dhe, për aktualitet, nga Kryeministri Rama dhe qeveria shqiptare. Ajo theksoi rolin e rëndësishëm që ka luajtur kjo katedër në marrëdhëniet historike mes Shqipërisë dhe Europës, si dhe në zhvillimin e kërkimeve shkencore.
Ministrja përmendi se Albanologjia në Mynih ka evolucionuar në një urë të qëndrueshme për dijen, dialogun dhe bashkëpunimin. Ajo përshkroi katedrën si një pikë referimi për studimin e gjuhës, historisë dhe identitetit shqiptar brenda hapësirës europiane, duke e cilësuar si dëshmi të angazhimit shqiptar për një rrugëtim europian të bazuar si në politikë ashtu edhe në identitet kulturor dhe akademik.
Kjo vizitë reflekton përkushtimin e Shqipërisë për të forcuar lidhjet me Europën nëpërmjet edukimit dhe shkencës, duke e vendosur Katedrën e Albanologjisë si një faktor kyç në këtë proces.
