Në një intervistë për Top Channel, Kryeinpektori Dashnor Sula, pas emërimit të tij, komentoi lidhjen e tij me Kryeministrin Edi Rama dhe sfidat e detyrës së re. Ai theksoi se, pas një karriere 20-vjeçare në Partinë Demokratike, e la pas të shkuarën e tij politike dhe pranoi ftesën e Ramës për të kontribuar në ndërtimin e institucioneve të shtetit shqiptar.
Sula shpjegoi se fillimisht kishte dilema për të pranuar detyrën e Kryeinpektorit, duke u shqetësuar për reagimet që mund të marrë nga ish-partia e tij. Ai theksoi se qytetarët shqiptarë përfshijnë të gjitha bindjet politike, jo vetëm ato socialiste. “Kam lënë kostumin e politikanit dhe kam veshur atë të nënpunësit të shtetit,” shpjegoi ai.
Pavarësisht kritikave të mëparshme ndaj Ramës, Sula e vlerësoi vizionin e Kryeministrit për integrimin e Shqipërisë në Bashkimin Europian, duke e konsideruar atë një sfidë të madhe. Kur u pyet për reagimin e Kryetarit të PD-së, Sali Berisha, ndaj këtij afrimi, Sula u shpreh se nuk ishte e moralshme të kishte komente politike në këtë kontekst.
Duke folur për sfidat që e presin në rolin e tij të ri, Sula deklaroi se ka për qëllim të shkëputet nga modeli i degraduar i 35 viteve të fundit. Ai shpreson që deri në fund të vitit, të kemi një sistem të digjitalizuar.
Ky bashkëpunim me mazhorancën është një hap i ri për Sula, i cili aspiron të kontribuojë në një administratë më efikase dhe me standarde më të larta.
