Vetëm disa ditë pas ndarjes nga jeta të babait të tij, kantautori Redon Makashi ka dhënë një intervistë emocionale në programin “Ftesë në pesë” me Bieta Sulon. Fitim Makashi, një aktor i njohur shqiptar, ndërroi jetë më 31 janar, pas një karriere të gjatë në të cilën luajti rolet e “personazheve të mirë” në filmat shqiptarë.
Redoni u shpreh se iku me një “peng të madh” nga jeta, duke theksuar se babai i tij “nuk u vlerësua kurrë” siç e meritonte. Ai zbuloi se kishte përgatitur letra për ta mbështetur në vlerësim, dhe ndjehej tepër i trishtuar kur pa se Fitimi ishte lënë jashtë listës së 15 personaliteteve të nderuara në televizion. Sipas Redonit, një firmë nga një personazh i lartë e kishte lënë jashtë procesit të vlerësimit të babait të tij.
Gjatë intervistës, Redoni ndau kujtime të veçanta me babanë e tij, përfshirë një ngjarje në kinemanë “Agimi” në vitin ’70, kur u shfaq filmi “Prita” dhe skena e famshme e mitralozit në fund të tij. Këto kujtime duket se e prekin thellë Redonin, i cili po përpiqet të përballojë humbjen e rëndësishme në jetën e tij.
