32 vjet pas vdekjes së Kurt Cobain, një hetim i ri mjeko-ligjor sfidon përfundimet zyrtare të autopsisë së tij, duke pretenduar se ai nuk kreu vetëvrasje, por u vra. Cobain, vokalisti i Nirvana-s, u gjet i pajetë më 5 prill 1994 në shtëpinë e tij në Seattle dhe rasti u mbyll si vetëvrasje.
Një artikull i botuar në International Journal of Forensic Science, i raportuar nga Daily Mail, tregon se Brian Burnett dhe një ekip i pavarur shkencëtarësh mjeko-ligjorë kanë rishqyrtuar provat dhe kanë arritur në një përfundim ndryshe. Sipas analizës së tyre, Cobain dyshohet se është detyruar të marrë një mbidozë heroine dhe më pas është qëlluar me armë zjarri. Atyre iu duket se arma është vendosur në duar pas vdekjes dhe se shënimi i vetëvrasjes ndoshta është falsifikuar.
Michelle Wilkins, një anëtare e ekipit, ka deklaruar se autopsia sugjeron se Cobain nuk vdiq menjëherë nga plaga e armës, duke theksuar se nekroza e trurit ndodh gjatë mbidozave, jo pas goditjes me armë. Ajo po ashtu vuri në dukje se mëngët e Cobain ishin të mbështjella dhe kompleti i heroinës u gjet disa metra larg trupit, përveç se shiringat ishin organizuar, duke shkaktuar dyshime mbi natyrën e vetëvrasjes.
Policia në vitin 1994 kishte konstatuar se Cobain kishte injektuar një sasi heroine rreth dhjetë herë më të madhe se sa përdoruesit e zakonshëm, dhe autopsia kishte treguar prani lëngu në mushkëri, gjakderdhje në sy, dhe dëmtime në tru dhe mëlçi. Hetuesit e rinj sugjerojnë se këto gjetje janë më inkurajuese për një mbidozë sesa për një vdekje të menjëhershme.
Ata gjithashtu shprehin dyshime mbi letrën e lamtumirës, duke e konsideruar stilin e fundit të saj ndryshe dhe më të kujdesshëm se pjesët e tjera. Zyra e Mjekut Ligjor të Qarkut King dhe Departamenti i Policisë së Seattle-it kanë r reafirmuar përfundimet e vitit 1994, deklaruar se nuk ka prova të reja që justifikojnë rihapjen e rastit.
Megjithatë, Brian Burnett dhe ekipi i tij kërkojnë verifikimin e analizave të tyre, duke e cilësuar atë si një nga rastet më debatues në historinë e muzikës moderne, që pritet të rindezë diskutimet mbi vdekjen e Kurt Cobain.
