Mbyllet zyrtarisht epoka e Roberto De Zerbi në pankinën e Olympique Marseille, sipas një komunikate për shtyp të publikuar nga vetë klubi. Në njoftim, ky i fundit thekson se ndarja është bërë në mënyrë konsensuale, pas një konsultimi që përfshiu të gjitha palët, përfshirë pronarin, presidentin, drejtorin sportiv dhe trajnerin. Vendimi për të bërë ndryshime në drejtimin e skuadrës u mor pas një reflektimi të thellë me qëllim për të përballuar sfidat e sezonit aktual. Klubi shpreh mirënjohje për De Zerbin për dedikimin, profesionalizmin dhe impenjimin e tij, që kontribuan në arritjen e vendit të dytë në sezonin 2024/25, duke i uruar suksese në të ardhmen.
Ndarja mes De Zerbi dhe Marseille ka ardhur pas një serie rezultatesh zhgënjyese në këtë sezon. Pas eliminuese nga Liga e Kampioneve me një humbje 3-0 ndaj Brugges, diskutimet për një largim të mundshëm të trajnerit italian kishin filluar. Por, fatin e tij e vulosi një humbje poshtëruese 5-0 ndaj Paris Saint Germain në fundjavë, e cila çoi në vendimin përfundimtar të klubit për të ndarë rrugët me të.
