Ndeshja mes Vllaznisë dhe Elbasanit, e vlefshme për javën e 24-t të Abissnet Superiore, do të shtyhet për disa orë. Sipas Departamentit të Komunikimit në FSHF, ndeshja e planifikuar për të dielën, më 15 shkurt, në orën 16:30, do të fillojë në orën 19:30 të njëjtës ditë.
Ky ndryshim orari është miratuar nga Komisioni i Ligave dhe Garave pas një kërkese nga Vllaznia, e cila dëshiron të realizojë festimet e 107-vjetorit të krijimit të klubit kuqeblu. Ndeshja do të zhvillohet në stadiumin “Loro Boriçi” në Shkodër.
