Në Super Bowl 2026, Seattle Seahawks fitoi ndeshjen, por spektakli i pushimit të ndeshjes, me Bad Bunny në qendër, shkaktoi një debat të gjerë në Shtetet e Bashkuara. Ylli portorikan, fitues i Çmimit Grammy, e shndërroi Levi’s Stadium në një ngjarje me një mesazh bashkimi, duke thënë: “Së bashku jemi Amerika, e vetmja gjë më e fuqishme se urrejtja, është dashuria.” Spektakli, që përfshinte edhe emra të njohur si Lady Gaga, Ricky Martin, Cardi B, dhe Jessica Alba, u organizua si një festë e kulturës latine, por shkaktoi reagime negative, veçanërisht nga konservatorët.
Presidenti Donald Trump reagoi ashpër ndaj shfaqjes, duke e cilësuar atë si “më të shëmtuarin në histori” dhe një fyerje për Amerikën. Në një postim në Truth Social, ai kritikoi NFL për zgjedhjen e një artisti që këndon në gjuhën spanjolle, duke thënë se shfaqja nuk përfaqëson standardet amerikane të suksesit dhe krijimtarisë. Ai e braktisi ngjarjen për të ndjekur një koncert të Kid Rock, një artist pro-MAGA.
Tensionet për rreth stadiumit ishin të larta, duke u shkaktuar nga shqetësimet për sigurinë. Komentet e guvernatores Kristi Noem në lidhje me praninë e agjentëve të ICE për patrullimin e zonës shkaktuan frikë te banorët lokalë të Santa Clara, që përfshijnë një popullsi me një përqindje të lartë të lindurve jashtë SHBA. Edhe pse NFL mohoi informatat, Bad Bunny e përdori spektaklin e tij për të adresuar çështje sociale, siç ishte rasti i Liam Ramos.
Spectakli i Super Bowl-it vazhdon të jetë një pasqyrë e shoqërisë amerikane, ku patriotizmi tradicional dhe lëvizjet për përfshirje të reja përplasen ndjeshëm.
