Qëndrueshmëria ekonomike për Romën është një çështje kyçe, veçanërisht në kontekstin e rikthimit të klubit në Ligën e Kampioneve, një ngjarje që mund të ndikojë ndjeshëm në financat e tij. Këto komente u theksuan nga Claudio Ranieri, këshilltar i Familjes Friedkin, i cili foli për rinovimet e kontratave të lojtarëve si Paulo Dybala dhe Lorenzo Pellegrini.
Momentalisht, Roma ka katër lojtarë që po i skadojnë kontratat: Dybala, Pellegrini, Zeki Celik dhe Stephan El Shaaraëy. Dybala dhe Pellegrini janë të fokusuar për shkak të pagave të tyre të larta; Pellegrini merr rreth 7 milionë euro, ndërsa Dybala arrin deri në 8.5 milionë euro, pa përfshirë bonuset. Këto shifra janë problematike për arkat verdhekuqe, sidomos nëse nuk ka rritje të të ardhurave.
Celik, aktualisht me 2 milionë euro pagë, kërkon dyfishin për rinovimin, ndërsa El Shaaraëy merr 2.5 milionë euro. E ardhmja financiare e Romës varet nga performancat në Europa League, pozita në kampionat dhe mundësia e një sponsori të ri. Të dhënat nga sezoni i kaluar tregojnë se Roma mbylli bilancin me 270.2 milionë euro të ardhura, përballë kostove prej 305.2 milionë euro.
Qëllimi për t’u siguruar qëndron në kontrollin e shpenzimeve dhe rritjen e të ardhurave. Roma synon që pagesat për lojtarët të arrijnë maksimumi 60% të të ardhurave, që nënkupton uljen e pagave mbi 4 milionë euro për sezonin e ardhshëm. Edhe rinovimi i fundit i portierit Svilar, i cili i afrohet kësaj shifre, bie në përputhje me strategjinë e re financiare.
