Një grup prej 20 individësh të arrestuar për rastin e mbetjeve të rrezikshme që lidhen me kompaninë Kurum ka mbërritur në Gjykatën e Durrësit për verifikimin e kushteve të masave të sigurimit personal. Nga këta, 13 ndodhen në masë sigurie arrest në burg, ndërsa 7 të tjerë janë nën arrest shtëpiak.
Në seancë kanë shprehur interes përfaqësues të konsullatës gjermane, për të monitoruar situatën. Ndërkohë, mediat nuk u lejuan të hyjnë në sallën e gjykatës për shkak të numrit të madh të personave dhe masave strikte të sigurisë të vendosura.
Ky rast është lidhur me mbetjet e rrezikshme që kanë ngritur shqetësime të mëdha mjedisore dhe ligjore. Autoritetet po punojnë për të identifikuar përgjegjësit dhe për të adresuar pasojat e mundshme që këto mbetje mund të kenë në shëndetin e qytetarëve dhe mjedisin.
Lajmi do të përditësohet me informacione të reja.
