Polumbarët e RENEA-s dhe shërbimet e Policisë po vazhdojnë kërkimet në lumin e Vjosës për të gjetur 65-vjeçarit, shtetasin Y. D., i cili dyshohet se është rrëzuar dhe ka humbur në rrjedhën e lumit pranë “Fushës së fshatit Peshtan” në Tepelenë.
Operacione kërkimore kanë filluar që ditën e djeshme, me angazhimin e një grupi të gjerë përfshirë polumbarët e RENEA-s, forcën e posaçme “Shqiponja” nga Drejtoria Vendore e Policisë Gjirokastër, si edhe shërbimet e Komisariatit të Policisë Tepelenë. Në operacionin e kërkimit janë përfshirë gjithashtu Shërbimi i Mbrojtjes nga Zjarri dhe Shpëtimi, përfaqësues të Forcave të Armatosura dhe forca vullnetare përfshirë familjarët e të humburit, të cilët po krehin shtratin e lumit nga të dyja anët.
Pavarësisht përpjekjeve intensive, deri më sot, 65-vjeçari ende nuk është gjetur. Angazhimi i strukturave policore dhe të tjera ka qenë i patundur, me qëllim identifikimin dhe gjetjen e trupit të Y. D. Këto operacione do të vazhdojnë deri në gjetjen e personit të humbur, duke theksuar edhe një herë rëndësinë e koordinimit mes institucioneve dhe forsave të angazhuara në situata të tilla emergjente.
Kërkimet mbeten një prioritet për autoritetet lokale, të cilat shpresojnë për një rezultat pozitiv sa më shpejt të mundshëm.
