Mbrëmjen e së mërkurës, rajoni i Korçës u trondit nga dy tërmete me magnitudë deri në 4 ballë, duke shkaktuar frikë te banorët. Epiqendra e këtyre lëkundjeve u regjistrua në Devoll dhe ato u ndjenë në qytetin e Korçës, duke alarmuar popullsinë për mundësinë e pasgoditjeve. Sipas raporteve të para, fatmirësisht nuk ka pasur dëme materiale apo persona të lënduar.
Siç shpjegon pedagoge Ermira Jashiku, Dr. e gjeografisë fizike dhe mjedisore, rajoni i Korçës ndodhet në një zonë me aktivitet sizmik të njohur, ku tërmete të tilla janë relativisht të zakonshme. Zona është e pozicionuar mbi struktura tektonike aktive, gjë që bën të mundur ndodhin e lëkundjeve herë pas here.
Jashiku thekson se, ndonëse këto lëkundje nuk përbëjnë domosdoshmërisht një rrezik të madh, informacioni dhe edukimi i qytetarëve është i rëndësishëm. Ajo këshillon që qytetarët të jenë të kujdesshëm dhe të dinë si të veprojnë gjatë situatave të tilla. Ekspertët sugjerojnë se njohja e rregullave bazë të sigurisë, edukimi në shkolla, si dhe komunikimi i qartë nga institucionet janë elementë kyç për përballimin e situatave emergjente.
Pavarësisht panikut të shkaktuar nga lëkundjet, fokusimi në edukimin dhe përgatitjen për situata të ngjashme mbetet një prioritet për komunitetin.
