Barcelona ka bërë zyrtare kandidaturën për të pritur finalen e Ligës së Kampionëve në vitin 2029, duke propozuar stadiumin “Spotify Camp Nou” si arenën e saj. Ky informacion është konfirmuar dhe përmes një deklarate nga klubi katalanas, që thekson rikthimin në “Camp Nou” vitin e kaluar, ndonëse stadiumi është ende në proces rinovimi.
Sipas planit, punimet përmodernizimin e plotë të stadiumit pritet të përfundojnë deri në fund të vitit 2027. Kjo do të mundësojë futjen e “Camp Nou” në listën e vendeve për organizimin e ngjarjeve të mëdha ndërkombëtare, përfshirë finalen e Champions League. Stadiumi gjithashtu përmendet si një nga kandidatët për të pritur Kupën e Botës 2030, e cila do të organizohet nga Spanja, Portugalia dhe Maroku.
FC Barcelona ka shprehur gatishmërinë për të marrë pjesë në fazën fillestare të procesit të kandidimit, në bashkëpunim me Këshillin e Qytetit të Barcelonës dhe Qeverinë e Katalonjës. Propozimi përfshin stadiumin “Spotify Camp Nou”, me miratimin e UEFA-s dhe mbështetje nga Federata Mbretërore Spanjolle e Futbollit (RFEF).
Klubi thekson se kjo fazë është fillestare dhe përfshin një analizë dhe vlerësim nga UEFA. Dorëzimi i dosjes përfundimtare me të gjithë dokumentacionin e nevojshëm është planifikuar për fillimin e qershorit 2026. Nën drejtimin e trajnerit Hansi Flick, Barcelona aspiron të rikthehet në qendër të vëmendjes në futbollin evropian, duke synuar sukses sportiv dhe organizimin e ngjarjeve të mëdha.
Kjo kandidaturë tregon ambiciet e klubit dhe platformën e tij për të vazhduar rëndësinë në skenën ndërkombëtare të sportit.
