Një 33-vjeçar është arrestuar nga policia në Vlorë, nën akuzën e vjedhjes në dy minimarkete. I dyshuari, E. K., banues në lagjen “Rilindja”, u kap në kuadër të një operacioni për veprën penale “Vjedhja”.
Sipas hetimeve, E. K. është identifikuar si autor i dy vjedhjeve në lagje të ndryshme të qytetit. Vjedhjet dyshohet se kanë ndodhur më 29 janar dhe 31 janar 2026, ku ai ka marrë shuma parash dhe steka cigaresh nga minimarketët përkatësisht në lagjen “Pavarësia 2” dhe lagjen “Isa Boletini”.
Policia ka njoftuar se vijon puna në bashkëpunim me Prokurorinë për të zbardhur dhe dokumentuar edhe disa raste të tjera të dyshuara për të cilat E. K. mund të jetë i përfshirë. Materialet e procedurës janë kaluar Prokurorisë pranë Gjykatës së Shkallës së Parë të Juridiksionit të Përgjithshëm në Vlorë për veprime të mëtejshme ligjore.
