Departamenti i Drejtësisë në SHBA ka publikuar 3.5 milionë mesazhe nga dosja e Jeffrey Epstein, përfshirë një e-mail që përmend Shqipërinë. Top Channel ka siguruar një nga këto mesazhe, në të cilin Jeffrey Epstein komunikon me Thorbjorn Jagland, ish-kryeministër i Norvegjisë dhe ish-Sekretar i Përgjithshëm i Këshillit të Europës.
E-maili mban datën 25 maj 2012 dhe përmban një përgjigje të Jagland ndaj një mesazhi të dërguar më parë nga Epstein. Në këtë mesazh, Jagland informon Epstein mbi një vizitë në Tiranë, ku thekson se ka takuar “vajza të jashtëzakonshme” dhe planifikon të udhëtojë drejt Jordanisë, Palestinës dhe Izraelit, me një kthim në Norvegji të enjten pasardhëse.
Në atë kohë, Thorbjorn Jagland kishte një rol aktiv si Sekretar i Përgjithshëm i Këshillit të Europës dhe ishte angazhuar në Shqipëri, veçanërisht për zgjidhjen e krizës politike që kishte shpërthyer në janar 2011, pas zgjedhjeve vendore të atij vitit. Gjatë qëndrimeve të tij në Tiranë, Jagland ka zhvilluar takime me Sali Berishën, atëherë Kryeministër i Shqipërisë.
Kjo zbuluar e mesazheve tregon për përfshirjen e Shqipërisë në diskutime me figura të larta ndërkombëtare, duke nxjerrë në pah rëndësinë e vendit në skenën politike gjatë asaj periudhe.
