Duke folur për Sky Sport, gazetari dhe eksperti i tregut të transferimeve Luca Marchetti komentoi për afrim e mundshëm të Jean-Philippe Matetës me AC Milan. Ai theksoi se marrëveshja me Milanin është më e favorshme krahasuar me Juventusin, pasi “Milani i paguan paratë menjëherë”.
Sipas kolegut të tij, Gianluca Di Marzio, Milani dhe Crystal Palace janë duke bërë përpjekje për të finalizuar transferimin e Matetës në mes të natës ose mëngjesin e nesërm. Agjenti i Matetës pritet të mbërrijë në Milano për të negociuar dhe për të përmbyllur marrëveshjen, që synon të kompletohet shumë shpejt.
Mateta, sulmuesi që ka lindur në vitin 1997, këtë sezon ka realizuar 10 gola në 34 ndeshje, përfshirë 8 në Premier League. Kjo e bën atë një objektiv atraktiv për Milanin. Transferimi pritet të sjellë përfitime për të dy palët, duke i dhënë mundësi Matetës për t’u zhvilluar në një ekip me ambicie të larta.
